Татарстанның 977 авылында кибет юк. Халык аз яшәгәнгә генә, тәмле ашау теләге кимеми, билгеле. Мәсьәләне төрлечә хәл итәргә тырышалар. Узган ел республика салаларында махсус программа буенча модульле кибетләр төзелә башлады. Калганнарына исә сатучылар үзләре килә. “ВТ” хәбәрчесе “тәгәрмәчле кибет”кә утырып, сатучыларны дүрткүз белән көткән авылга барып кайтты.
