Саба таңнары
  • Тат Рус Лат
  • Сабада “Комбайн” операциясе бара

    Татарстан Республикасы үзйөрешле машиналар һәм башка төр техниканың техник торышына күзәтчелек идарәсе 25 июльдән "Комбайн" операциясе" районара тикшерүләре игълан итте. Бездә районара тикшерүләр Саба һәм Теләче районнары арасында үтәчәк.

    - Мондый уртак рейдлар урып-җыю комбайннарына дәүләти караулар үткәрелгәннән соң, аларның сыйфатын һәм тулылыгын тикшерү, урып-җыю барышында бөртек җыю техникасын куркынычсыз эксплуатацияләүне, сакланышын тәэмин итүне профилактикалау максатыннан үткәрелә. Операция барышында ике район белгечләре берләшеп кырларда эшләтелүче урып-җыю комбайннарына тикшерүләр үткәрәчәк, монда техниканың дәүләт номеры булу-булмавы, аның куркынычсызлык техникасы җиһазлары белән комплектлануы, яктырту һәм сигнал приборларының төзеклеге, двигательләренең торышы һәм башка шундый тиешле нәрсәләргә ныклы игътибар биреләчәк, - ди Гостехнадзорның Саба районы буенча бүлек начальнигы- баш дәүләт инженер-инспекторы Рөстәм Харисов. Операция 19 августка кадәр дәвам итә.

    Нравится
    Поделиться:
    Реклама
    Комментарии (0)
    Осталось символов: