Кышның соңгы көнендә Татарстанда кабат буран һәм бозлавык булачак
Иртәгә, 28 февральдә, Татарстанда тотрыксыз һава торышы сакланачак. Салкын фронт узганнан соң, республика циклонның тыл өлешендә булачак һәм температура фоны төшәчәк, дип хәбәр итә республиканың Гидрометеорология үзәге.
Көн болытлы һәм урыны белән аязучан болытлы булып калачак. Татарстанда, Казанны да кертеп, бераз кар явачак (көндез кайбер урыннарда). Моннан тыш, көннең якты вакытында урыны белән буран булырга мөмкин.
Көндезге сәгатьләрдә көньяк-көнбатыштан искән җилнең тизлеге урыны белән секундына 15-20 метрга (ТР башкаласында — 15-18 м/с) кадәр көчәячәк. Синоптиклар билгеләп үткәнчә, юлларда көчле бозлавык булачак.
Төнлә республика буенча һава температурасы -4..-9 градус (Казанда -5..-7 градус) тәшкил итәчәк. Көндез һава -2..-7 градуска кадәр җылына (башкалада -3..-5 градус).
Бу хакта тулырак: https://tatar-inform.tatar/news/kysnyn-songy-konenda-tatarstanda-kabat-buran-ham-bozlavyk-bulacak-5867611
Следите за самым важным и интересным в Telegram-каналеТатмедиа
Нет комментариев