Саба таңнары

Сабинский район

18+
2024 - Гаилә елы
Яңалыклар

Мөселманнар яңа 1436 нчы һиҗри елга керә

25 октябрь көнне кояш баюга яңа 1436 нчы һиҗри елга аяк басабыз. Ел иң күркәм айлардан саналган мөхәррәм ае белән башланып китә. Бу айда кылынган гамәл-гыйбадәтләребезнең, игелекле эшләребезнең әҗер-савабын Аллаһы Тәгалә бик күп мәртәбәләргә арттыра. Пәйгамбәребез Мөхәммәд (аңа Аллаһның рәхмәте вә сәламе булса иде) үзенең бер хәдисендә: «Рамазан уразасыннан соң...

25 октябрь көнне кояш баюга яңа 1436 нчы һиҗри елга аяк басабыз.

Ел иң күркәм айлардан саналган мөхәррәм ае белән башланып китә. Бу айда кылынган гамәл-гыйбадәтләребезнең, игелекле эшләребезнең әҗер-савабын Аллаһы Тәгалә бик күп мәртәбәләргә арттыра. Пәйгамбәребез Мөхәммәд (аңа Аллаһның рәхмәте вә сәламе булса иде) үзенең бер хәдисендә: «Рамазан уразасыннан соң иң фазыйләтле ураза мөхәррәм аенда тотылган уразадыр», - ди. Икенче бер хәдисендә: "Мөхәррәм аенда бер көн ураза тоткан кешегә 30 көн ураза тоткан кадәр савап язылыр", - ди. Мөхәррәм аеның унынчы көне динебездә «Гашура» көне дип санала.Гашура уразасының әҗере бигрәк зур. Пәйгамбәребез с.г.в.: «Гашура көнне тоткан ураза үткән елда кылган гөнаһлардан каффәрәт булыр», - дип әйткән. Ягъни бу уразаны тотучы бәндәнең үткән елда кылган кече гөнаһлары гафу ителер. Ә икенче хәдистә: «Гашура уразасының тоткан бер көне утыз ел буе тоткан уразаның савабына тиң булыр», - дип, сөнечле хәбәр бирә. Шушы көннәрдә мөэминнәр сәдака өләшәләр, мескен-ятимнәрнең, сырхау кешеләрнең барып хәлләрен беләләр.

Шулай ук Гашура көнне мөселман бәндәләр туганнарны, балаларны сөендерәләр, мәҗлесләр коралар, буш вакытларын Коръән укып һәм башка изге гыйбадәтләр кылып үткәрәләр.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X