Календарь                             

ҺАВА ТОРЫШЫ                             

    02.08.2017
    2 август - Һава флоты көне

    01.08.2017
    1-7 август- Бөтендөнья бала имезү атналыгы

    01.08.2017
    1 август - Беренче бөтендөнья сугышында һәлак булганнарны искә алу көне

    30.07.2017
    30 июль - Бөтендөнья дуслык көне

    29.07.2017
    29 июль - Халыкара җәмгыяви-мәдәни төрлелекне яклау һәм дискриминацияга каршы көрәш көне

    28.07.2017
    28 июль - PR-белгечләре көне

    28.07.2017
    28 июль - Бөтендөнья гепатит белән көрәш көне

    24.07.2017
    24 июль - Кадастр инженерлары көне

    20.07.2017
    20 июль - Халыкара шахмат көне

    10.07.2017
    10 июль - Халыкара шоколад көне

    10.07.2017
    10 июль - Хәрби дан көне

    09.07.2017
    9 июль - Балыкчылар көне

    09.07.2017
    9 июль - Россия почтасы көне

    08.07.2017
    8 июль - Гаилә, сөю һәм тугрылык көне

    06.07.2017
    6 июль - Бөтендөнья үбешү көне

    26.06.2017
    26 июнь - Газаплау корбаннарына халыкара теләктәшлек көне

    25.06.2017
    25 июнь - Ураза гаете

    25.06.2017
    25 июнь - Наркотикларның канунсыз сатылуы һәм кулланылуына каршы халыкара көрәш көне

    24.06.2017
    24 июнь - Уйлап табучылар һәм рационализаторлар көне

    23.06.2017
    23 июнь - Халыкара тол хатыннар хәлләрен истә тотуга багышланган көн

    23.06.2017
    23 июнь - Халыкара хезмәт көне

    22.06.2017
    22 июнь - Хәтер көне

    21.06.2017
    21 июнь - Русия Федерациясенең эчке эшләр министрлыгы кинология бүлекләре көне

    21.06.2017
    21 июнь - Бөтендөнья музыка көне

    21.06.2017
    21 июнь - Халыкара йога көне

    21.06.2017
    21 июнь - Халыкара скейтбординг көне

    20.06.2017
    23 июнь - Халыкара Олимпия көне

    20.06.2017
    20 июнь - Бөтендөньядагы качаклар көне

    10.06.2017
    10 июнь - мебель ясаучылар көне

    09.06.2017
    9 июнь - Халыкара дуслар көне

    09.06.2017
    9 июнь - Халыкара архивлар көне

    09.06.2017
    9 июнь - Халыкара аккредитация көне

    08.06.2017
    8 июнь - Россиядә социаль хезмәткәрләр көне

    08.06.2017
    8 июнь - Бөтендөнья океаннар көне

    26.05.2017
    26 май - Россия эшмәкәрлеге көне

    25.05.2017
    26 май - Россиядә эретеп ябыштыручылар көне

    25.05.2017
    25 май - Соңгы кыңгырау көне

    24.05.2017
    24 май - Кадрлар бүлеге хезмәткәрләре көне

    24.05.2017
    24 май - Россиядә Кирилл һәм Мефодий көне, шулай ук Славян язуы һәм мәдәнияте көне буларак мәшһүр

    23.05.2017
    23 май - Бөтендөнья ташбакалар көне

    22.05.2017
    25 май - Филологлар көне

    22.05.2017
    25 май - Бөтендөнья калкансыман биз сәламәтлеге көне

    22.05.2017
    25 май - Халыкара югалган балалар көне

    22.05.2017
    22 май - Халыкара биологик төрлелек көне

    21.05.2017
    21 май - Халыкара космос көне

    21.05.2017
    21 май - Бөтендөнья диалог һәм үсеш өчен мәдәни төрлелек көне

    19.05.2017
    19 май - Татарстан матбугаты көне

    18.05.2017
    18 май - Халыкара музейлар көне

    17.05.2017
    17 май - Халыкара мәгълүмати җәмгыять көне

    15.05.2017
    15 май - Халыкара гаилә көне

"Саба таңнары" газетасы абунәчеләре арасында лотерея уены уздырды [+фоторепортаж]

22.07.2013 12:56 | Конкурслар Печать

"Саба таңнары" газетасы абунәчеләре арасында лотерея уены уздырды [+фоторепортаж]

Узган  җомгада  өйләдән  соң  Сабаның Балалар иҗат  үзәге бинасы каршына халык  җыела  башлады. Үтеп баручылар алардан “Берәр бәйрәм мазар булмыйдыр бит?”– дип тә кызыксынды.

Әйе, булды шул: абунәчеләребез арасында  лотерея  уйнаттык һәм сайтыбызның  “В контакте”дагы махсус битендә барган  “Сабантуй. Җәй. Универсиада” конкурсында  җиңүчеләрне  бүләкләдек.  Әлеге  чара­лар  газета укучылар белән элемтә ныклыгын, һәрвакыт аралашып яшәвебезне   күрсәтә.

 Лотерея уйнатуга без елдан-ел җитдирәк карыйбыз, ныклабрак әзерлә­нәбез. Әлеге дулкынландыргыч, шул ук вакытта истәлекле мизгелләрне бүләк өләшү чарасына гына әйләндереп калдырасы килми, үзенә күрә бәйрәм булсын, газетаны укучылар ял итсен, күңел ачсын дип тырышабыз. Әлбәттә, спонсорларыбыз булмаса,  зурдан  кубып,  лотерея уйнатабыз дип йөри алмас  идек. Шөкер, алар ел саен табылып, юмарт эшмәкәрләр ярдәмгә  килеп  тора. Быел лотерея уенына төп приз­ларны  спонсорыбыз – яңа  ачылган “Хайтек” кибете хуҗалары әзерләде. Алар бәйрәм башланганчы мәйданда төрле маркадагы велосипедларда  тест-драйв та уздырдылар.

  Ә бәйрәм, гадәттәгечә, җыр һәм җитәкчеләргә  сүз бирү белән  башланды.

  –Хөрмәтле сабалылар! Без һәр елны  абунәчеләр белән очрашабыз, төрле  чаралар  үткәрәбез. Газета тарихы –  ул аның  яшьтәше, район тарихы. “Саба  таңнары”ның   үз   йөзе  бар,   ул  тормыш белән бергә  атлый, районда  булган   вакыйгаларны, шатлыклы хәбәрләрне дә,  кайгылысын да, матур  башлангычларны   да – барысын-барысын вакытында  яктыртып, үзенең  укучыларына  җиткереп  бара. Районда 11300дән артык гаилә бар дип әйтәбез, шуларның өчтән бере “Саба таңнары”н  укый дигән сүз. Район газетасы гомерлек  газета булсын,  яңадан-яңа  укучыларын тапсын, халыкка матур  язмалары,  эчтәлекле  мәкаләләре бе­лән барып  җитсен, – дип  сөйләде Саба  муниципаль районы башкарма  комитеты  җитәкчесе  урынбасары  Таһир  Шәрәфиев. 

 –Бәйрәмгә шушы кадәр халык  җыелган икән,  сездән безгә карата булган  хөрмәт чагыла. Матбугатка, районда барган  вакыйгаларга, безнең эшчәнлеккә битараф булмаганыгыз  өчен барыгызга да  рәхмәт  әйтәсе  килә. Бер-беребез арасында шулай  элемтә тотып, фикерләшеп, киңәш биреп, урынлы булганда шелтә-тәнкыйть белдереп  яшәгәндә генә газетабызның  абруе  артыр. Газетабызның  электрон варианты  да  популярлашты.   Яшьләребез  анда  еш  керәләр,  шулай  ук  өлкәннәрне дә тарталар. Газетага  сыешмаган   язмаларны   анда  да   күрсәтәбез,– дип дәвам итте газета   мөхәррире  Рөстәм  Исмәгыйлов.

 

Аннары сүзне “Сабантуй. Җәй. Универсиада” фотоконкурсының спонсоры  “Саба тәрәзәләре” җәмгыяте хезмәткәре Артур Кәримуллинга  бирдек.  Ул җиңүчеләр  Лилия Мөхәммәтҗанова (III  урын), Гөлүсә һәм Марат Закировлар (II), Эльвира Вафинага (I), кызыксындыру бүләкләренә лаек булган  Ландыш Нуриева, Фәнил Фәләхиев, Алинә Хафизовага бүләкләрне  үз кулы белән зурлап тапшырды.

 Иң дулкынландыргыч  миз­гелләр, әлбәттә, абу­нәчеләрдән  килгән һәм  конвертлар эченә  яшерелгән квитанцияләрне капчыкка салып, бәхетлесен тартып  чыгарырга абунәчеләрнең  үзләренә тәкъдим иткәч  башланды.

Беренче  отыш (үтүк) Сабадан Фәния Латыйповага  чыкты. Ул үзе  кил­мәгән   иде, призны   күр­шесе  чыгып   алды. Шулай ук Олы Шыңардан Гөлзәмия Мозаффарова, Эзмәдән Гөл­фия Гәрәева, Түбән Симеттән Тәсия Зарипова, Түбән Шытсудан Альберт Нәҗметдинов та ту­зан суырткыч, дрель, чәйнек, электр иттарткычы кебек кыйммәтле отышлар иясе булырбыз дип уйламаганнар,  ахры.  Килмәгәннәр  иде.

  Ә менә актив хәбәрчебез Тимерхан  Мөхәммәдияров лотерея  уенын бер дә  калдырмый. Башка елларда  буш  кул белән кайтып  киткән хәбәрчебез быел су  фильтры отып куймасынмы! Сабадан Гайшә Миңнуллина исә узган елларда лотерея  уенында катнашырга   соңарган булган. Быел газетага  язылганлыкка квитанциясен беренчеләрдән булып  китерде һәм ...сок чыгаргыч отты.

“Күңелгә ничектер отармын дигән  уй  кергән   иде, тикмәгә булмаган икән. “Саба таңнары” газетасын мединститут тәмамлап районга  кайтканнан бирле  яратып  укуымның файдасы тими калмагандыр”,– диде бәхетле билет иясе. Лотерея уеныннан Сабадан  Нәсимә апа Нәбиуллина – микродулкынлы мич,  Миләүшә Рәшитова – чәч алу машинасы, Рәмзия Җәләлетдинова – компьютер урындыгы, Рания Гомәрова –  аяк  киеме киптергеч, Лилия Ибәтуллинаның  улы электр лобзигы, Хәниф Минһаҗетдинов  флешка белән  кайтып киттеләр. Сабадан Искәндәр Нуруллинга  чыккан пароварканы каенанасы чыгып  алды.

 –Лотерея уенында 3нче  ел катнашабыз. Быел, ниһаять, отышлы булдык.  Район  газетасына кызым белән  киявемне   яздырам. Бүләк  аларга,– диде  Рәшидә апа.

 – Газета белән  хезмәт­тәшл­егебез   күптәннән бара һәм  алга  таба  дәвам итәр дип   уйлыйбыз. Лотереяда  откан  бүләкләр сезгә шатлык-куаныч  кына  алып  килсен,– диде “Хайтек” кибете хезмәткәре Илсөяр Фәттахова призларны ияләренә тапшырганда.

 Уенда катнашмаган, әм­ма аларга чыккан отышларны  күршеләре, туганнары чыгып алганнарга да бүләкләр барып җиткәндер дип  уйлыйбыз. Әйтик, Шәмәрдәннән Р.Фәтхуллинга  чыккан фенны, М.Каюмова откан савыт-саба җыелмасын ияләренә алып кайтып бирүне Илдар Ситдиковка, Юлбаттан Рөстәм Нигъмәтҗановка насыйп булган призны күршесе Мәгъфия Шәмсетдиновага ышанып тапшырдык. Ә менә  Иләбәрдән Нурсанә Яхинага  чыккан иң зур приз – велосипедны беркемгә дә бирмәдек. Дүшәмбе  көнне аны кызы Динә  килеп  алды.  Аның белән үк редакциягә Гөлзәмия Мозаффарова  да  килеп  керде. Шатлыклы хәбәр тиз тарала шул. Аңа улы минутында-сәгатендә кырдан: “Әни, син нәрсә җибәргән идең анда. Ниндидер бүләк  чыккан”,– дип шалтыраткан булган. Икесе дә безгә рәхмәтләр  укып, призларын алып киттеләр.

  Призларны уйнатуның бик гадел юлын сайладык:  конвертларны алу мөмкинлеге абунәчеләрнең үзләренә бирелде.   Капчык тоткан Эльмирабыз белән Замирәбез халык арасына  кереп  киткәч, кайберәүләр: “Алдан   сөйләшеп  куйган  кешеләре бар боларның”,– дип пышылдашуы колакка  чалынса  да, тамчы да хәрәмләшмәдек, кадерле  абунәчеләребез. Сезнең алда   йөзебез  ак,  сүзебез  хак. Һәркемнең дә отасы  килгәнен аңлыйбыз. Урта Сабадан Нияз исемле  егет: “Мин V сыйныфта  укыйм. Газетаны  яратып  укыйм. Лотерея уенында катнашасым килә.  Аллага тапшырып,  җиңсәм  ярар  иде”, – дип редакциягә  хат та  язган. Кызганыч, Ниязга бу юлы бәхет елмаймады, әмма җиңүгә ихлас омтылышын исәпкә алып, аны аерым приз – бадминтон комплекты белән бүләкләргә  булдык.   

 Менә шулай күңел ачтык быел. Яшь җырчылар Айнур Халиев, Булат Гыймадиев, Динә Вилданова бәйрәмебезгә тагын да ямь өстәде.  Районыбыз шагыйрәсе Миннегөл Манихова: “Һәр атнаның ике  көнендә  газетаны  кунак   көткәндәй  көтеп  алам. Үземне белгәннән  бирле  аерылганым  юк,– дип  сөйләп, чыгышын “Саба   таңнары” дигән  шигырен   укып тәмамлады.

Хәбәрчебез Хәлил Мортазин: “Саба таңнары”н  Иштуганга  килгән 1975 елдан  бирле  алам. Шунысы гына   йөрәкне тырный. Безнең мәкаләләргә  урын   аз бирелә башлады”,– дип бераз үпкә дә белдереп куйды. Аннары үзе белән  алып  килгән гармунын төймәләрендә бармакларын  биетеп, җырлап та  җибәрде. Мөхәрриребез  аңа  азан әйтә торган электрон картина  бүләк итте.

  Чарага  килгәннәр канәгать калгандыр, әлеге язманы укучылар “эх, нигә бармадым икән”, диярлек булгандыр дип ышанабыз.  Үз чиратыбызда, иганәчелек ярдәме күрсәткән “Саба тәрәзәләр”е җәмгыяте җи­тәкчесе Рафаэль Кәри­муллинга, “Хайтек“ кибете хуҗасы Булат Хисановка зур рәхмәтләребезне җиткерәбез.

Фәнил Мәүлетов.

Нурхан Дәүләтов һәм Алсу Галимуллина фотолары.


Будь в курсе последних событий! Читай tatmedia.ru


Добавить комментарий

Защитный код
Обновить