Сабалылар газетага язылып, бензин белән эшли торган мотоблок, телевизор, тузан суырткыч һәм башка призлар ота ала
“Татмедиа” акционерлык җәмгыяте абунәчеләр арасында кыйммәтле призлар уйнату чираттагы акцияне игълан итте. Шулай итеп, “Татмедиа” нәшер иткән газета-журналларга язылучылар телевизор, тузан суырткыч, планшет, 100 литр бензин, үтүк яки блендер оту ихтималына ия булачак. Төп приз – 40 мең сумлык мотоблок.
Акциядә катнашу өчен 2020 елның икенче яртысына (6 айга) “Татмедиа” нәшер иткән бер газетага (моңа район газетасы, “Мәдәни җомга”, “Шәһри Казан”, “Көмеш кыңгырау” газеталары керә) һәм бер журналга (“Сөембикә”, “Казан утлары”, “Мәйдан”, “Мәгариф”, “Ялкын” һәм башкалар) язылырга да, квитанцияләрен 2020 елның 20 июленә кадәр почта белән 420066, г.Казань, ул.Декабристов,2 адресына яки podpiska@tatmedia.ru электрон почтасына җибәрергә кирәк. Язганда исем-фамилиягезне, телефон номерыгызны күрсәтергә онытмагыз.
Следите за самым важным и интересным в Telegram-каналеТатмедиа
Нет комментариев