Татарстанда бөер синдромы белән геморрагик бизгәк йоктыручылар саны ике тапкырга артып, 408 очракка җитте.
Татарстанда бөер синдромы белән геморрагик бизгәк йоктыручылар саны сизелерлек арткан. Бу хакта «Татар-информ» мәгълүмат агентлыгы уздырган матбугат конференциясендә Роспотребнадзорның ТР буенча идарәсе җитәкчесе урынбасары Любовь Авдонина хәбәр итте.
«Һава шартлары үзгәрү сәбәпле, без авыруларның сезонлы үсеше чорына кердек. Агымдагы елда республикада әлеге инфекциянең 408 очрагы рәсми рәвештә теркәлде, бу күрсәткеч узган елгы белән чагыштырганда ике тапкырга диярлек артык», — дип аңлатты спикер.
Моннан тыш, белгечләр вирус таратучы кимерүчеләр популяциясенең артуын да терки. Алар арасында тикшерелгәннәрнең якынча 12 проценты инфекция йөртүче булып исәпләнә.
Нет комментариев