Бик тәмле торт рецепты.

Камыр өчен:

• 5 йомырка
• 1 стакан шикәр комы
• 10 гр. разрыхлитель
• 4 аш кашыгы үсемлек яки зәйтүн мае
• 1 стакан он

Йомырканы бик озаклап миксерда күпертәсе, шуңа әз-әзләп песок салып тагы күпертергә кирәк. Май өстәргә, разрыхлитель белән онны иләк аша иләп, массага кушарга. Агач кашык белән астан өскә яхшылап болгатырга. Майланган табага салып, духовкада пешерергә. Пешкән камырны бераз суытып, өч яки ике кисәккә буләргә.

Торт өчен крем:

• 125 гр. маскорпоне сыры
• 250 гр.каймак
• Тәменчә шикәр пудрасы

Барысын бергә миксерда болгатырга. Һәр камыр катламына крем сылап,өстен теләгәнчә бизәп куярга. Араларына кискәләп банан да тезәргә мөмкин.

Тәмле булсын!
 

Фото: скриншот инстаграм

https://www.instagram.com/ismegull/