Аш-су
Тәмле итеп кәбестә тозлау рецепты
Кәбестәне вак итеп турап, кыргычтан уылган кишер һәм укроп салып 3 литрлы банкага тутырасы (артык тыгызлыйсы түгел).
Кайнап суытылган 1 литрдан артыграк суга (1 литр+1 стакан). 1,5 аш кашыгы тоз салып кәбестәле банкага агызабыз. Өстен япмыйча 2 көн тотабыз. Бу вакыт аралыгында су банкадан агып чыгарга мөмкин. Шуңа күрә банканы бер табакка утыртасы. Ташыган суын кире банкага саласы. Һәм ике көннән соң кәбестә тутырылган банкадагы суны кире агызып, 1,5 калак шикәр комы салып, кайнатып чыгарып һәм суытып, кире банкага салабыз. Мондый ысул белән тозланган кәбестәне бик яратып ашыйбыз.
Фото: pixabay.com
Следите за самым важным и интересным в Telegram-каналеТатмедиа
Нет комментариев