Төшкә кергән теш. Табибка бардың да эш беттеме?
Авырсаң, чирнең һәркайсы яман. Табибка йөрүне гадәти хәлгә санасак та, тешнекенә барырга курыкмаучылар сирәк. Шуңа да азакка кадәр сузып йөрибез. Теш табиблары исә, авыру азынмасын өчен, елга ике мәртәбә үзләренә чакыра. Хәзер теш дәвалау клиникалары адым саен. Тешне дә дәвалыйлар, яңасын да ясап бирәләр. Тик бер бардың да, мәшәкатең бетте түгел.
