Язлар безгә назлар алып килд
Нәкъ шул көнне, ниһаять, яз килүен хәбәр итеп, җиргә ләйсән яңгыр тамчылары төште. Нинди көн ул дисезме? “Казан” милли-мәдәни үзәгенең Казан шәһәр филармониясе коллективы, үзенең 20 еллык туган көнен бәйрәм итеп, тамашачысына “Язгы моңнар” дигән тамаша-концерт бүләк итте. Һәм яз, мәхәббәт турындагы җырлары белән безгә чын яз китерде. Алып баручылар Әмир Әхмәдишин белән Гөлнара Мулланурованың: “Матур моңнар белән язны каршы алыйк”, – дигәннәре бигрәкләр дә дөрескә чыкты.
