Бу атнада Татарстанда +26 градуска кадәр җылыначак

   Дүшәмбе көнне, 4 майда  явым-төшем көтелми,җил көнбатыштан секундына 10 метрга кадәр  җил исәчәк.Төнлә һава температурасы 0дан +5 градуска кадәр, ә көндез +16дан +21 градуска кадәр булачак, дип хәбәр итә Татарстан Гидрометеорология үзәге.

  Метеорологлар мәгълүматларына караганда, алдагы көннәрдә республикада температура көннән-көн  күтәреләчәк. Әйтик, сишәмбе (5 май), ул +20 дән +25 градуска кадәр, ә чәршәмбе (6 май) +21 дән +26 градуска кадәр тәшкил итәчәк, явым - төшем булмаячак.

Фото:Ясалма фәһем