Саба муниципаль районы башлыгы Рәис Миңнехановның райондашларыбызга Яңа ел котлавы
Хөрмәтле райондашлар! Яңа елга төбәгебезгә кайткан кунаклар! 2021 ел тарих битләренә керергә санаулы гына көннәр, сәгатьләр калды. Узып баручы 2021 елга йомгак, нәтиҗәләр ясар вакыт җитте. 2021 ел районыбыз халкы күңелендә социаль-икътисадый үсештә ирешелгән казанышлар белән бергә, бөтендөнья буенча коронавирус пандемиясе белән дә уелып калачак. Әлеге куркыныч авыруга каршы дәүләтебез зур көрәш чаралары алып барды, әле ул һаман да дәвам итә. Әлбәттә, эпидемиологик хәлгә каршы иң нәтиҗәле чара булып вакцина гамәлгә ашырылды, прививка кадатканнар арасында аянычлы очраклар булмады.
