Кукмарада “Ел хатын-кызы. Ел ир-аты: хатын-кыз карашы” бәйгесенең зона туры үтте

Илмира Галимуллина, 21 февраль 2020 - 11:33

1228

Кукмарада “Ел хатын-кызы. Ел ир-аты: хатын-кыз карашы” республика фестиваленең зона сайлап алу туры узды. Бәйгенең әлеге этабында Саба, Балык Бистәсе, Лаеш, Биектау, Арча, Әтнә, Теләче, Балтач, Питрәч, Кукмараның берсеннән-берсе гүзәл хатын-кызлары, күркәм ир-егетләре көч сынашты. Безнең районнан “Өченче буын героинясы” номинациясендә Явлаштау авылында яшәүче, инде 10 дистәсен түгәрәкләп килүче Фәүзия апа Сабирова, “Ир-ат лидер” номинациясендә- район мәдәният бүлеге начальнигы Рөстәм Заһидуллин, “Бизнес леди” номинациясендә “Саба сувенирлары” гаилә остаханәсе җитәкчесе Лилия Вафина җиңү яуладылар. Котлыйбыз!