Балтач бассейнында хлор белән агуланган балалар хастаханәдән чыккан

Балтач бассейнында хлор белән агуланган җиде баланы хастаханәдән чыгарганнар. Бу турыда Татарстан Сәламәтлек саклау министрлыгының матбугат хезмәтендә хәбәр иттеләр.

«Барлык балаларны да канәгатьләнерлек хәлдә хастаханәдән чыгарганнар. Бары тик бер кызны гына табиблар күзәтүендә калдырганнар. Балалар белән бергә Балтач Үзәк район хастаханәсенә китерелгән ике олы кешене кичә кич өйләренә чыгарганнар», – диелгән ведомство хәбәрендә.

Фото: архив/Рамиль Гали

https://tatar-inform.tatar