Биектау авылында гаражда чыккан янгынны сүндергәндә 84 яшьлек ир-атның гәүдәсе табылган.
Татарстанның Биектау авылында коточкыч фаҗига булды. Россия Гадәттән тыш хәлләр министрлыгының ТР буенча Баш идарәсе мәгълүматларына караганда, 3-я Степная урамындагы шәхси кирпеч гаражга ут капкан.
Ялкын корылманың эчендә торган Toyota автомобилен дә камап ала. Янгын сүндерелгәннән соң эзләү-коткару операциясе вакытында бер катлы бина эченнән 84 яшьлек йорт хуҗасының гәүдәсе табыла.
Гаражны биләп алган янгын мәйданы 12 квадрат метр тәшкил иткән. Хәзерге вакытта һәлакәтнең төгәл сәбәпләрен ачыклау өчен тикшерү эшләре бара. Бу хакта «Татар-информ» агентлыгы хәбәр итә.
Нет комментариев