Хәвеф-хәтәр
Чаллыда исерек ир-ат җиденче каттагы яна торган бүлмә тәрәзәсеннән сикереп исән кала
Шаһитлар сүзләренә караганда, ир-ат гомерен кар өемнәре саклап калган.
Чаллыда исерек ир-ат җиденче каттагы яна торган бүлмә тәрәзәсеннән сикереп исән кала. Әлеге хәл турында социаль челтәрдә шаһитлар хәбәр итә.
Бу вакыйга кичә кич Яңа шәһәрнең 23 / 11в йортында булган. Күршеләренең сүзләренә караганда, исерек хәлдә булган ир аяк киемен электр плитасендә киптерергә булган. Аяк киеме яна башлаган һәм ир-ат куркып тәрәзәдән сикергән.
Шаһитлар мәгълүматларына караганда, ир-атның гомерен ул килеп төшкән кар өемнәре саклап калган.
Следите за самым важным и интересным в Telegram-каналеТатмедиа
Нет комментариев