Казан полициясе ике җәяүлене бәрдергән машина йөртүчеләрен эзли
Фаҗига бер үк көнне Идел буе һәм Мәскәү районнарында булган.
Полиция ике җәяүле зыян күргән юл-транспорт һәлакәте шаһитларын эзли, дип хәбәр итә Казан Дәүләт автоинспекциясе матбугат хезмәте.
Кичә “Лада Приора” Усманов урамындагы 5нче йорт каршында 27 яшьлек ир-атны бәрдереп киткән. Машина йөртүче юл-транспорт һәлакәте урынын калдырып киткән. Җәяүленең ботына зыян килгән.
Шул ук көнне Шәриф Камал урамындагы 15нче йорт каршында тиешсез урыннан чыгучы 24 яшьлек егетне бәрдереп, машина йөртүче шулай ук юл-транспорт һәлакәте урынын калдырып киткән. Җәяүленең аяк табаны җәрәхәтләнгән.
Казан Дәүләт автоинспекциясе юл-транспорт һәлакәте шаһитларын эзли һәм (843) 5-333-819, 5-333-848 телефоннары буенча мөрәҗәгать итүләрен сорый.
Следите за самым важным и интересным в Telegram-каналеТатмедиа
Нет комментариев