Бердәм референдум көне

Татарстан Республикасы муниципаль берәмлекләр Советы президиумы шул хакта карар кабул итте. Соңгы елларда республикабыз муниципаль берәмлекләре үсешендә үзара салым зур роль уйный. Әмма үзара салымны кертү срогы I-II кварталда, ә республика бюджетыннан финанслау август-сентябрь айларында булганлыктан, кайбер планлаштырылган эшләрне башкаруның уңайлы вакыты үтеп тә киткәли. Хәзер финанслауны беренче кварталда үткәрергә карар кылынды. Шуңа бәйле рәвештә үзарасалымны җыю сроклары да үзгәрә.