Концертлар дәвам итә

Тамашачылар соравы буенча концерт Саба мәдәният йорты сәхнәсендә ике тапкыр куелды. Финансчылар һәм казначылар тамашачыны күз явын алырлык сәхнә костюмнары кигән егет-кызларның күмәк биюләре, моңлы һәм халыкчан, шулай ук заманча җырлары, көлеп туймаслы тормышчан скетчлары белән җәлеп итте. Концертны бюджет-палатасы һәм казначылык департаменты җитәкчеләре үзләре алып барды. Саба муниципаль районы башлыгы Рәис Миңнеханов та соңыннан сәхнәгә күтәрелеп: "Җитәкчеләр үзләре алып барган иҗат концертын беренче мәртәбә күрәбез. Коллективтагы дуслык, бердәмлек хезмәтне дә, мәдәни чараларны да уңышлы итә",- дип үзешчән сәнгатьтә катнаөшучылар чыгышына югары бәя бирде.