Сабада агач үсентеләре, бакча кирәк-яраклары сату үзәге ачылды
Бүген Сабабызда күңелле яңалык булды. Саба үзәгендә әле районыбызда тиңе булмаган җиләк-җимеш куаклары, декоратив агач үсентеләре, чәчәкләр, яшелчә орлыклары һәм бакчаны карап-тәртипләп тору өчен барлык кирәк- яраклар сатыла торган үзәк ачылды. Бакча үзәген ачу тантаналы шартларда үтте. Бәйрәмгә дәрәҗәле кунаклар, район җитәкчеләре, Сабадан һәм күрше авыллардан бик күп бакча сөючеләр...
Бүген Сабабызда күңелле яңалык булды. Саба үзәгендә әле районыбызда тиңе булмаган җиләк-җимеш куаклары, декоратив агач үсентеләре, чәчәкләр, яшелчә орлыклары һәм бакчаны карап-тәртипләп тору өчен барлык кирәк- яраклар сатыла торган үзәк ачылды. Бакча үзәген ачу тантаналы шартларда үтте. Бәйрәмгә дәрәҗәле кунаклар, район җитәкчеләре, Сабадан һәм күрше авыллардан бик күп бакча сөючеләр килгән иде.Бәйрәмне үтемле вәгазе, Коръән аятьләре укып, Татарстан баш казые, үзе дә һәвәскәр бакчачы булгын Җәлил хәзрәт Фазлыев ачып җибәрде. Саба муниципаль районы башкарма комитеты җитәкчесе Равил Гасыймов, башкарма комитет җитәкчесенең инвестицион һәм территориаль үсеш буенча урынбасары Илнур Котдусов та үзәк җиткәчесе Алим Галимуллинга һәм аның командасына бу матур башлангычларында уңышлар теләделәр. Бәйрәм Казан артистлары чыгышлары белән үрелеп барды. Мәйдан читендә самавырда чәй кайнады, табада коймак чыжлады. Бәйрәм ахырында тамашачылар арасында лотерея уйнатылды. Супер призга Сабадан Әнисә ханым Гаффарова лаек булды. "ГАФэль" фирмасы аның бакчасында ландшафтлы дизайн белән агач үсентеләре утыртачак.
Следите за самым важным и интересным в Telegram-каналеТатмедиа
Нет комментариев