Сабалылар - өченче [+фото]

автор, 27 сентябрь 2016 - 10:16

702

23-25 сентябрь көннәрендә Әлмәт шәһәрендә «Сәламәтлек» авыл спартакиадасы кысаларында авыл районнары командалары арасында шахмат буенча республика чемпионаты үтте.

Анда республикабызның 14 районыннан иң көчле шахматчылар катнашты. Саба районы данын Рамилә Нургалиева( Татар Икшермәсе), Зөфәр Мөхәммәтшин (Өч Нарат) , Марат Закиров (Шәмәрдән) һәм Мулланур Мусин (Явлаштау) составындагы команда яклады. Ярышларда Р. Нургалиева - 3нче, М.Закиров - 5нче урынны яуладылар, М.Мусин Һәм З.Мөхәммәтшин район командасына кирәкле очколарны китерделәр.

Гомуми нәтиҗәләр буенча, актанышлылар- 1нче, сарманлылар-2нче, сабалылар ярты очкога гына калышып, 3нче урынга ия булдылар.