Татарстанда газүткәргечкә зыян килгән, автмобиль янып беткән (ФОТО)

Бүген Алабуга районында җир асты газүткәргеченә зыян килгән, дип хәбәр иттеләр «Татар-информ» мәгълүмат агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән.

Вакыйга хакындагы мәгълүматны бердәм ашыгыч хезмәт номеры 10.02 сәгатьтә кабул итеп ала. Мөрәҗәгать итүче сүзләренчә, Мальцево авылында су скважинасын бораулаганда түбән басымлы, диаметры 110 миллиметрлы полиэтилен газүткәргечкә зыян килгән. Шуның аркасында янгын чыккан һәм борау урнаштырылган автомобиль янган.

Янгынны 10.36 сәгатьтә сүндергәннәр, «ГАЗ» автомобиле янган.