“Татавтодор” акционерлык җәмгыятенең Саба филиалы директоры Марат Гариповның котлавы

Хезмәтебез һәркемнең күз алдында. Һава торышы нинди булуга карамастан, кышын һәм җәен юлларны тәртиптә тотарга кирәк. Юл хуҗалыгы үсеше җитештерүдә, бизнеста һәм социаль өлкәдә эшнең нәтиҗәлелеген һәм ахыр чиктә Саба муниципаль районында яшәүчеләрнең тормыш сыйфатын билгели. Һөнәрегезгә тугры булуыгыз, үз эшегезгә җаваплы караганыгыз өчен рәхмәтемне һәм эчкерсез хөрмәтемне белдерәм. Киләчәктә дә алдыбызга югары максатлар куеп аларга ирешик. Безнең юллар заманча һәм ышанычлы булырга тиеш! Сезгә һәм якыннарыгызга сәламәтлек, тотрыклылык, эшегездә уңышлар, бәхет, куанычлар телим! Тармак ветераннарына иң яхшы теләкләремне җиткерәм.