Урамда балага эт ябышкан

- 4 сыйныфта укый торган улыма мәктәпкә барган чакта урамда эт ябышкан. Өстенә сикереп, аягыннан егып шапкасыннан тешләгән. Ә битен умырып кайтарган булса? Бала елап, куркып безгә шалтыратты, әле ярый администрациягә кереп качарга өлгергән. Без тиз арада шәһәр җирлеге башкарма комитетына гариза керттек. Әлеге мәсьәлә 10 көн эчендә хәл ителер, диделәр. Хәзерге законнар буенча этләрне атарга да ярамый икән. Безгә нишләргә? Барлык бала да мәктәпкә машина белән йөрми, кечкенә балалар үзләрен якларлык түгел шул әле, хәер, эттән кем саклана ала икән? Әлеге мәсьәләгә җаваплы кешеләр битарафлык күрсәтмәсен иде, бала барыбыз өчен дә газиз...

Фидәлия Закирова,
Балтач бистәсе.http://www.baltaci.ru/tt/the-news/item/17062