Иске Икшермәдәге "Тургай" социаль приюты яңа диванлы булды, бүлмәләре матур гөлләргә күмелде

Проектның максаты - социаль приютларда яшәүчеләргә физик һәм хезмәт тәрбиясе алу өчен уңайлы шартлар тудыру, алга таба тормышта үз юлларын, һөнәрләрен дөрес табарга юнәлеш бирү. Шул уңайдан "Тургай"да шактый үзгәрешләр көтелә: столяр һәм кулинария кабинетларына капиталь ремонт ясалачак, әти-әниләр, туганнар белән очрашу бүлмәсенә мебель, телевизор, торшер, журнал өстәлләре алыначак. Спортның берничә төре (футбол, волейбол, баскетбол) бе­лән шөгыльләнү өчен универсаль спорт мәй­данчыгы җиһазланачак. Һө­нәри юнәлеш бирүдә күп эшләр башкарылачак. Проектны тормышка ашыру максатыннан һәр ай саен приютка районыбыздагы оешма-учреждение җитәкчеләре, күренекле шәхесләр ча­кырыла. Февральдә "Тур­гай"да дәүләт тер­кәве, кадастр һәм картография федераль хез­мәтенең республика идарәсе Саба һәм Теләче районнары муниципальара бүлеге җитәкчесе Рәмзинә Зыятдинова булды. Ул балаларны кадастр хезмәте белән таныштырды, соңыннан бүләкләр өләште.

Гомумән, хәзерге вакытта байтак оешмалар әлеге проект­та катнашырга теләк белдерделәр һәм спон­­сорлык ярдәме күрсә­тәләр. Мисалга "Агрохимсервис" җәм­гыяте директоры Илһам Кә­римов приютка "Кунак бүлмәсе"н җиһазлау өчен диван бүләк итте. Ә шәхси эшмәкәр, "Жасмин" кибете директоры Әлфия Гафиятуллина тарафыннан күрсәтелгән хәйриячелек нәти­җә­сендә бүлмә берсеннән-берсе матур гөлләргә күмелде. Приют коллективы аларның барсына да эчкерсез рәх­мәт белдерә, игелекле кешеләр үрнәгенә иярү­челәрнең тагын да күб­рәк булуын тели.

Ольга Ибраһимова,

директор урынбасары.