Лесхозга Алтай крае урман белгечләре заманча агач үсентеләре җитештерү эшчәнлеге өл­кәсендә тәҗрибә уртаклашырга килде [+фото]

Делегацияне башкарма комитет җитәкчесе урынбасары Илнур Котдусов озатып йөрде. Әлеге визит 2012 елда Татарстанның Саба һәм Алтай крае районнары арасында үзара хезмәттәшлек буенча тө­зелгән килешү кысаларында оештырылды. Билгеле, Лесхозда төзелгән селекция-орлыкчылык үзә­ге Европада иң зурысы буларак та Россия урманчыларын үзенә тарта.

Биредә хәзер елына 3 ротациядә 12 миллион данә кәлшә үстерелә, ә Алтай краендагы селекция-орлыкчылык үзәгендә 7 миллион данә генә җитештерелә. Әмма Алтай краеның урман хуҗалыгы һәм экология идарәсе урман утырту һәм үстерү бүлеге җитәкчесе Игорь Дергачевның әйтү­енчә, крайда кәлшәләрне ачык тамыр системасы бе­лән күбрәк үстерәләр.

"Без урманнарны яңартуда селекция-орлыкчылык үзә­­­­­ге казанышларын да фай­­даланырга тырыша­быз. Татарстанда исә без­не бу төр үзәкләрдә үрче­телгән үсентеләрне сату мәсьәләсен ничек хәл итү­ләре кызыксындыра. Ал­ган кичерешләр бик уңай, визитның алдагы эшчән­леккә йогынтысы булача­гына шик юк", - диде ул пресс-турда катнашкан журналистлар белән әң­гәмәсендә. Алтай урманчылары хәзер селекция үзәгендә декоратив һәм җимеш культурала­ры үс­терү проектын да тормышка ашыралар. Го­мумән, тәҗрибә алмашу ике якка да файдалы булачак.

Алтай урманчы­ларын теплицалар, ор­лыкны кассеталарга тө­­­шерү конвейе­ры тех­но­логиясе белән үзәк җитәкчесе Руслан Газизов таныштырды. Та­тарс­тан урман хуҗалыгы ми­­­нистрлыгының бүлек на­­чальнигы Тимур Галиев та үзенең фикерләре белән уртаклашты. "Без­гә тәҗрибә алмашып тору мөһим. Мондый үзәкләр булдырган төбәкләр ара­сында бу әле беренчесе булды. Орлыкларны җыю-эшкәртү, үсентеләрне чә­­­­­чү, кулланучыларга җит­керүдә уңышлы мисал­лар белән уртаклашырга кирәк. Без дә, алтай краена барып, аларның эш оештыру рә­веше белән танышачакбыз", - диде ул. Алтай крае киләчәктә туристлык потенциалы белән дә татар­станлыларның игътибарын җәлеп итәр дип көтелә.