Бал — табигый даруханә: продуктның файдасы турында 10 төп факт

Бал турында 10 төп факт

1. Балда файдалы матдәләр күп. Продукт составына B2 (рибофлавин), B3 (ниацин), B5 (пантотен кислотасы), B6 (пиридоксин), B9 (фолацин), C (аскорбин кислотасы) витаминнары, шулай ук микроэлементлар – кальций, тимер, магний, фосфор, калий, натрий, цинк керә.

2. Табигый энергия чыганагы. Составында табигый шикәр (80%), су (18%), серкә һәм аксым бар. Балны идеаль янучан ягулык дип атаулары гаҗәп түгел.

3. Антиоксидантларга бай. Аларга флавоноидлар һәм органик кислоталар кебек ферментлар һәм кушылмалар керә. Антиоксидантлар йөрәк өянәге, инсульт куркынычы кимүгә, күрү сәләтен саклауга, организмда ялкынсынуны киметүгә, яшьлекне саклап калуга ярдәм итә.

4. Холестеринга уңай йогынты ясый.  Хәтта аз гына бал куллану да «начар» холестерин дәрәҗәсен киметергә ярдәм итә.

5. Авырту белән көрәшергә булыша.  Бал ашказаны җәрәхәте һәм эчәклекнең башка авырулары вакытында авырту сизүләрен киметә.

6. Бактерияләргә каршы, гөмбәгә каршы  эффект күрсәтә. Бал кортлары, нектарны эшкәртеп, балны бактерияләр үсешенә комачаулый торган ферментлар белән туендыралар.

7. Салкын тиюне җиңәргә булыша. Бал – грипп вакытында иң яхшы дару икәне һәркемгә мәгълүм. Моннан тыш, ул йөткерүдән ярсуны һәм тамак авыртуын киметә (әлбәттә, сезнең балга аллергия булмаса).

8. Ашкайнатуны яхшырта. Бал-ул пробиотик. Гаҗәп, әмма факт. Продукт составына алты төргә кадәр лактобацилл һәм дүрт төр бифидобактерия керә.

9. Иммун системасын ныгыта.  Бал иммун күзәнәкләр җитештерүне стимуллаштыра. Организмның саклау функцияләрен арттыру өчен бу продуктның көн саен бер аш кашыгы ашау да җитә.

10. Авырлыкны күзәтергә ярдәм итә.  Тикшеренүләр күрсәткәнчә, шикәрне бал белән алмаштыру авырлык артуны булдырмый калырга мөмкин (әгәр продуктны уртача куллансаң), шулай ук кандагы шикәр һәм триглицеридлар дәрәҗәсен киметергә мөмкин. 

Фото: Ясалма фәһем