Игътибар: «Минем саклаучым!» фотоконкурсы игълан ителә

Хөрмәтле дуслар! 
23 февраль -саклаучылар көне  уңаеннан фотоконкурс игълан итәбез. 
Һәрбер кешенең горурланырлык герое була. Берәүләр өчен ул - әти, бабай, ир, ул, ә кайберәүләргә - укытучы, классташ, дус.

Фотоконкурста катнашу өчен, безнең почтага (sabatannar@rambler.ru) креатив фотолар юлларга, шулай ук фото астына кыска гына комментарий да язарга кирәк. Герой хәрби формада булган фотолар да кабул ителә.

Фотоларны почтага җибәргәндә катнашучының һәм фотодагы геройның исем-фамилиясен, конкурс катнашучысының адресын һәм һәм элемтә өчен телефон номерын да язарга кирәк.

Фотографияләр 10 - 21 февральгә кадәр кабул ителә. Эшләр "Вконтакте" социаль челтәренең "Саба таңнары" төркемендә урнаштырылып барылачак.
Иң күп тавыш җыйган (лайк ) фото авторы җиңүче була. Җиңүчене бүләк көтә!