«Күрше-фест» Шәмәрдәндә халык һөнәрләренә өйрәтте

   Шәмәрдән мәдәният йорты ишегалдында «Татар бизәкләре: гаилә традицияләре остаханәсе» дип аталган «Күрше-фест» фестивале узды. «Күрше-фест» фестивале Шәмәрдән халкы өчен зур вакыйга булды.  Чарада халык һөнәрләре буенча мастер-класслар оештырылды, анда катнашучылар үзләрен шундый иҗат төрләрендә сынап карадылар, шопперларга татар орнаментлары салдылар, агачка буяд ясадылар, балалар зонасы эшләде.

   Осталар үзләренең белемнәре һәм серләре белән уртаклаштылар, күнекмәләрен яшь буынга тапшырдылар һәм аларны киләчәк иҗатка рухландырдылар. Моннан тыш, фестиваль программасында бәйрәм атмосферасын тудырган музыкаль һәм бию номерлары тәкъдим ителде. Катнашучылар үзешчән сәнгать чыгышларыннан ләззәт ала алдылар, шулай ук халык уеннарында һәм конкурсларда катнаштылар.

   Фестивальдә өчпочмак, дучмак, икмәк-коймак, кайнар чәй кебек традицион татар ризыкларыннан авыз итеп карарга мөмкин иде, бу барлык кунаклар өчен дә чын сыйга әверелде. «Күрше-фест» фестивале халык өчен очрашу урыны гына түгел, ә тәҗрибә уртаклашу һәм гаилә элемтәләрен ныгыту мәйданчыгы да булды. Ул традицияләрне буыннан-буынга саклап калу һәм тапшыруның мөһимлеген күрсәтте, шул рәвешле гармонияле бергәлек булдырып, анда мәдәният һәм гореф-гадәтләр яши һәм үсә.

Тулырак фоторепортажда