17 кешене 25 миллионга алдаган татарстанлы суд каршына басачак
25 миллионлык караклык турындагы эш Казанның Вахитов район судына тапшырылган. Әлеге эш буенча шушы җирлектә яшәүче 31 яшьлек кеше шикләнелә, дип хәбәр итә Татарстан Прокуратурасы.
Тикшерү мәгълүматлары буенча, 2022 елның февраленнән 2025 елга кадәр чорда ир-ат, инвестиция эшчәнлеге кыяфәтендә, 25 млн сумнан артык суммага 17 кешене алдаган. Җинаятьче гражданнарга янәсе аның электрониканы күпләп сатып алу буенча бизнесы табышлы дип ялганлаган. Ир-ат потенциаль кертемчеләргә коммерциягә һәм криптовалютага кертүдән югары керем вәгъдә иткән, шул исәптән, шәхси очрашулар вакытында да. Аферист хәтта беренче кертемчеләргә инвестицион табыш рәвешендә символик суммалар түләгән.
Гаепләнүченең милкенә арест салынган.
Татар информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев