17 яшьлек кызны егете кыйнаган

Буаның "Ашыгыч медицина ярдәме" бүлегенә Таковар авылыннан кыйналган яшь кыз китерелгән. Дөресрәге, аны әнисе алып килгән.

Ашыгыч ярдәм бүлегендә әнисе аңлатканча, кич егете белән очрашырга чыгып киткәч, кызының тәнендә, кулларында кыйналган эзләр белән кайтып керүеннән аптырап кала ул. Кызы исә әнисенә егете кыйнавын әйтә. Әнисе кызына кичекмәстән медицина ярдәме күрсәтергә кирәк дип саный. Каза күргән кызга амбулатор ярдәм күрсәтелә, дип вакыйганы сурәтли районның "Байрак" газетасы.

Татар-информ