18 яшьлек кызны көчләгән ир-атны эзлиләр

Казандагы бер кунакханәдә 18 яшьлек кызны көчләгән ир-атны эзлиләр. Аның кем булуы ачыкланган инде.

Әлеге хәл 2014 елның 6 мартында була. Сахаров урамындагы бер кунакханә бүлмәсендә билгесез ир-ат 18 яшьлек кызны көчли. Җинаять эше кузгатыла.

Хокук сакчылары әлеге җинаятьне кылуда 30 яшьлек ир-ат - Нияз Ильясович Сәлимовның катнашы барлыгын ачыклаган. Ул тикшерү органнарыннан качып йөри, дип фаразланыла. Аның хакында мәгълүматлы булучыларның элемтәгә чыгулары сорала. Телефоннар: 8(843) 298-52-19 һәм 02.

Интертат.ру