3 балыкчы батып үлгән: араларында 13 яшьлек үсмер дә булган [фото]

РФ Гадәттән тыш хәлләр министрлыгының ТР буенча Баш идарәсе матбугат хезмәте хәбәр итүенчә, кичә, 10 мартта иртәнге 8.20 сәгатьтә, Ык елгасында "УАЗ 3909" автомобиле боз астына төшкән, салонында Әлмәттән килгән 5 балыкчы булган. Аларның 2се боз астыннан үзләре чыга алган. Аларны очраклы кеше күргән. Балыкчылар хастаханәгә озатылган. Әмма, кызганыч, 57 һәм 54 яшьлек ике ир-ат һәм 13 яшьлек үсмер боз астыннан чыга алмаган. Аларны Чаллы водолазлары 11.55 сәгатьтә автомобиль кабинасыннан тартып чыгарган.

Татар-Информ.