Җәяү йөрергә кала

 2025 елның 6 апрелендә 17 сәгать 02 минутта Байлар Са­басының  Муса Җәлил  урамын­да дәүләт автоинспекциясе хез­мәткәрләре тарафыннан шикле  автомобиль туктатыла. Транспорт чарасы бе­лән А.М.Вәлиев ида­рә иткән була. Тикшерү  вакытында  ул сулаган һавада этил  спиртының  күләме  1,315 мг/л тәшкил итүе ачыклана. Бу  алкотектор приборы күрсәткече белән раслана. Аңа карата автомобиль  йөртүдән читләштерелүе турында беркетмә төзелә. Суд утырышында А.М.Вәлиев үз гаебен тулысынча таныды. Җәмәгать  судьясы, эш материалларын карап чыгып, аны КоАПның 12.8нче статьясының 1нче өлешендә каралган административ хокук бозуда гаепле дип тапты. Хәзер аңа бер ел да   алты ай транспорт чаралары белән идарә итү турында онытып торырга һәм 45 мең сум күләмендә штраф түләргә туры киләчәк.

Материал район юл хәрәкәте иминлеге комиссиясе булышлыгында әзерләнде.