Саба районында бала туу кимегән, аерылышучылар арткан

Агымдагы елның алты аенда районда 190 сабый дөньяга килгән. Бала туу - әти һәм әни, әби-бабай өчен күңелле вакыйга. Беренче сабый шатлыгын 63 гаилә кичергән. Моннан тыш 88 гаиләдә - 2нче, 32 гаиләдә - 3нче, 7 гаиләдә 4нче һәм аннан да күбрәк бала туган. Сабабаш авылында бер әни 6нчы баласын алып кайткан. Шулай да районда демографик хәл былтыргының шул чорына караганда бераз кимү ягына үзгәргән. 2014 елның 6 аенда 198 бала туган булган. Җитмәсә, аерылышучылар да күбәеп киткән. Былтыр 6 айда 28 гаилә таркалган булса, быел 35кә җиткән.