Балтач районында көчле янгын Норма кешеләрен йортсыз, каралты-курасыз калдырган [+фото]

автор, 8 август 2016 - 10:04

640

Балтач районы Норма авылында Халидә һәм Николай Старцевлар хуҗалыгын шимбә көнне "кызыл әтәч" басып алган. Район янгын сүндерү бүлегенә Нормадан 19 сәгать 15 минутта хәбәр килеп ирешкән, дип яза җирле "Хезмәт" газетасы.

Балтач районында көчле янгын Норма кешеләрен йортсыз, каралты-курасыз калдырган [+фото]

Беренчел фаразлар буенча, янгын сарайдан чыга. Ни үкенеч, хәзер әлеге гаилә йортсыз да, мунчасыз да, сарайсыз да калган. Янгын сүндерүчеләр ярдәме белән күршеләренең йорты сакланып кала, ләкин мунчалары белән сарайлары яна.

Көннәр бик эссе тора, зинһар сак булыгыз, дип кисәтә Балтач районы газетасы.