Йолдызлар атылганда теләк теләү гадәте бар. Бу төн сиңа барлык теләкләреңне теләрлек йолдызлар "сибәчәк"!
12сеннән 13 нче август төнендә «йолдызлар яңгыры» дип аталган күренешнең шаһитлары булачакбыз. Персеида метеор агышы июль аенда ук башланды. Бүген төнлә аның иң югары ноктасы булачак. Ул бик якты булыр дип көтелә. Йолдызлар яңгыры сәгатенә 150 метеор тизлегендә узар дигән фараз бар. Йокламыйбыз, җылы плед алабыз да, урамга чыгып утырабыз. Табигатьнең матур вакыйгасын бергә күзәтик!
Нет комментариев