Дөрес мәгълүматка – 1 мең сум

1 августтан Татарстан Экология һәм табигый ресурсларны саклау министрлыгы табигать законнары таләпләрен бозу фактлары турында төгәл мәгълүмат бирүче гражданнарны матди кызыксындыру чараларын гамәлгә ашыра башлады. Әгәр кеше җитештерү калдыкларын табигатькә ташлау яки законсыз карьерлар ачу фактлары турында фотолар (видеоязма) белән теркәлгән дөрес мәгълүмат бирә икән, аны бер мең сум акча көтә. Бу хакта тулырак министрлык сайтының «Государст­венный экологический надзор» бүлегендә танышырга мөмкин.