Дума депутаты: 1 сентябрьдән фельдшерлар табиб вазифаларын башкара алачак

«РФ Сәламәтлек саклау министрлыгының 2025 елның 1 сентябреннән үз көченә керәчәк боерыгы нигезендә, фельдшерлар һәм акушерлар участок табибы – терапевты, педиатр һәм акушер-гинеколог ваифаларын башкара алачак. Аларга бу вәкаләтләрне белгечләр җитмәгән яки алар вакытлыча булмаган чакта медицина оешмасы җитәкчесе тапшыра ала. Карар федераль дәрәҗәдә расланган һәм медицина ярдәменнән файдалану мөмкинлеген арттыруга юнәлтелгән, бигрәк тә кече торак пунктларда һәм авыл җирлекләрендә», - диде Власова.

Парламентарий сүзләренчә, мондый адым сәламәтлек саклау системасының реаль ихтыяҗына җавап булган, бигрәк тә төбәкләрдә.

«Без пациентлар амбулаторияләрендә яки фельдшерлык-акушерлык пунктында вакытлыча табиб булмау сәбәпле, ярдәмсез калуына юл куя алмыйбыз. Яңа боерык фельдшерларга һәм акушерларга грамоталы рәвештә, үз вәкаләтләре чикләрендә, әмма кешеләр өчен файда белән пациентларга ярдәм күрсәтү эшенә
кушылырга мөмкинлек бирә», - дип билгеләде ул.

Власова аңлатканча, әлеге карар – табибларны алыштыру түгел, ә сәламәтлек саклауның беренчел звеносында бик кирәкле чара. Ул медицина ярдәме алу мөмкинлеген арттырырга, халыкның ышанычын ныгытырга һәм пациентларның ихтыяҗларына тизрәк җавап бирергә мөмкинлек бирәчәк, диде ул.

Тулырак: https://tatar-inform.tatar/news/duma-deputaty-1-sentyabrdan-feldserlar-tabib-vazifalaryn-baskara-alacak-5906817