«Ел ахырында [яңа модель барлыкка киләчәк]. Икенче яртыеллыкта - дүртенче кварталда тагын ике модель. Бу машина бераз зуррак. SUV белән седан булачак», - дип аңлатты Когогин.

Элегрәк билгеле булганча, КАМАЗ «Москвич» заводы маркасы белән биш модель (дүрт кроссовер һәм бер седан) җитештерергә җыена.

Февральдә «Москвич» заводы Россиянең 11 шәһәренә «Москвич 3» кроссоверы һәм аның «Москвич 3е» электрмобилен җибәрә башлады. Рәсми дилерлар 3 мартта машина сата башлады.

«Москвич 3» кроссоверының бәясе 1,97 млн сумнан башлана. Машина Кытайның JAC JS4 кроссоверы модификациясеннән гыйбарәт. Мәскәү мэры урынбасары Максим Ликсутов агымдагы елда 50 мең «Москвич» җитештерергә планлаштырылуын белдерде, шул исәптән 10 мең - электромобиль.

Әле май аенда ук Мәскәү мэры Сергей Собянин хезмәт коллективын саклап калу өчен «Москвич» заводында автомобильләр җитештерүне яңадан эшләтеп җибәрергә карар кылды. Июльдә «КАМАЗ» ГАҖ һәм Россия башкаласы Хөкүмәте арасында хезмәттәшлек турында килешү имзаланды.

Декабрьдә «Ростех» дәүләт корпорациясе генераль директоры Сергей Чемезов һәм Татарстан Рәисе Рөстәм Миңнеханов Чаллыда яңа «Москвич»та йөреп карады.

Бу хакта тулырак: https://tatar-inform.tatar/news/magarif-ministrlygynda-berdam-daulat-imtixanyn-gamaldan-cygaru-ixtimaly-turynda-aittelar-5868359