Социаль ипотека буенча түләүләрне Электрон Татарстан инфоматларында түләп була

Татарстан мәгълүматлаштыру һәм элемтә министрлыгы дәүләт,муниципаль һәм социаль әһәмияткә ия хезмәтләрне электрон юл белән күрсәтү кысаларында түбәндәгеләрне хәбәр итә: 2013 елның 1 ноябреннән Электрон Татарстан инфоматларында социаль ипотека буенча түләүләр кертү тормышка ашырыла башлады. Моңарчы әлеге хезмәт Татарстан Республикасы дәүләт һәм муниципаль хезмәтләр Порталы (https:// uslugi. tatar ru/) һәм аның мобиль кушымтасы (m.tatar.ru) аша башкарыла иде. Шулай ук министрлык белән Федераль салым хезмәтенең республика идарәсе арасында ипотека кертемнәрен түләгәндә бирелә торган документларны, түләүнең кайдан башкарылуына (инфомат, Портал, мобиль кушымта) карамастан, салым хезмәтенең районара инспекцияләренә салым (милек) чигерүләре алу өчен мөрәҗәгать иткәндә юридик көчкә ия документ итеп кабул итү турында килешү төзелде.