Хулиганга хокук бозу буенча эш ачып булмый - ул бит депутат

Депутат Равил Җиһаншинның КФУ доценты Искәндәр Ясәвиевнең күлмәген ертуы турында бөтен республика шаулауга карамастан, полиция депутатка карата «белә торып кеше милкен бозу», «саксызлык нәтиҗәсендә кеше милкен бозу» һәм «Хулиганлык» маддәләре буенча эш ачудан баш тарткан.

Исегезгә төшерәбез, бернинди дәлилләр булмаса да, Вахитов районы суды Ясәвиевне сүгенгән һәм агачлар сындырганы өчен дип «вак хулиганлык» маддәсе буенча җаваплылыкка тарткан һәм 600 сум күләмендә штраф билгеләгән иде. Ә менә ертылган күлмәк хокук сакчылары өчен дәлил саналмый, күрәсең.

Безнең гәҗит