Балалар иҗат үзәгендә “Иң шәп әйдаман-2017” республикакүләм конкурсы узды

8 февраль көнне Балалар иҗат үзәге базасында традициягә кергән һәр ел саен отряд әйдаманнары арасында үткәрелә торган "Иң шәп әйдаман- 2017" республикакүләм конкурсының муниципаль этабы булып узды. Конкурсның максаты булып укучылар арасында отряд әйдаманнары эшчәнлеген формалаштыру, балалар оешмаларына көчле лидерлар тәрбияләү тора.

Конкурсның сайлап алу этабында, барлыгы 21 мәктәптән әйдаманнар үзләренең эшләрен тәкъдим иттеләр. Сайлап алу турының нәтиҗәләреннән чыгып, бәйгенең муниципаль этабына, 9 мәктәптән әйдаманнар чакырылды.

Бәйге барышында конкурсантлар иҗади формада үз шәхси осталык сыйфатларын күрсәттеләр- төрле ситуацияләрдән чыгып, уртак тел таба белү, фикер-тәкьдимнәр җиткерә алу, оештыручы лидерлык сыйфатларын чагылдырдылар.