Ирләре белән аерылышуны авыр кичергән ике хатын-кыз бауга менгән

34 яшьлек хатын ире белән аерылышуны авыр кичерә һәм бауга менә. Яр Чаллыда яшәүче хатынның якыннары сүзләре буенча, ул иренең өйдән чыгып китүен "күтәрә алмаган". 1 февральгә каршы төндә сәгать икедә ул юыну бүлмәсенә бикләнеп, асылынган. Мәеткә иртән 15 яшьлек игезәк кызлары тап була һәм әтиләрен чакырта.

Үзенең егете белән талашканнан соң, 25 яшьлек кыз исә Чаллының 59 нчы комплексында урнашкан бер бәдрәфкә кереп асылынган. Егете аны 2 сәгать 30 минутта табып ала. Шунда ук ашыгыч ярдәм машинасы чакырта. Бәдрәфтән аны үзе чыгара. Әмма кыз инде үлгән була, дип яза "Әлмәт таңнары" басмасы.

Татар-Информ.