Казан 8 март көннәрендә сәфәр кылу өчен иң популяр шәһәрләр бишлегенә керде

 OneTwoTrip мәгълүматы буенча, Татарстан башкаласы броньлаулар саны буенча лидерлар бишлегенә кергән — шәһәргә заказларның 3,1% туры килгән. Иң күп сәфәрләр Мәскәүгә (23,8%) һәм Санкт-Петербургка (14,5%) планлаштырылган. Шулай ук популяр юнәлешләр исемлегенә Адлер (3,6%) һәм Сочи (3,4%) кергән. «Яндекс Путешествиях»та Татарстанның иң кирәкле төбәкләр арасында булуын расладылар, дип хәбәр итә ВЕСТИ ТАТАРСТАН

Тулаем ил буенча март бәйрәмнәре чорында кунакханәләргә ихтыяҗ узган ел белән чагыштырганда бер ярым тапкырга арткан. Аналитиклар моны озынрак ял көннәре белән аңлата: 2025 елда 8 Мартка ике генә көн ял туры килгән. Төн кунып чыгуның уртача бәясе хәзер 8,5 меңнән 10,7 мең сумга кадәр тәшкил итә.