Казанда «Бердәм Россия» инициативасы буенча коммерцияле булмаган оешмалар конкурсы старт алды

Ел саен конкурс комиссиясенә 200дән артык гариза керә. Коммерцияле булмаган оешмалар эшчәнлегенең иң популяр объектлары булып патриотик оешмалар, ветераннар оешмалары, социаль ярдәм һәм гражданнарны яклау өлкәсендә эшчәнлек, ирекле һәм волонтерлык эшчәнлеге тора.

ТР икътисад министры урынбасары Олег Пелевин сөйләвенчә, грантлар конкурсында һәр икенче гариза ота. Җиңүчеләр һәр номинациядә бар, аларның исемлеген Икътисад министрлыгы сайтында карарга мөмкин.

«Быел без яңалык керттек: конкурста катнашу өчен гаризаны хәзер дәүләт хезмәтләре Порталы аша электрон формада да тапшырырга мөмкин. Гариза формасы максималь оптимизацияләнгән. Без дәгъва кылучылар өчен тагын бер яңалык керттек – муниципаль берәмлекнең вәкиллекле органыннан һәм (яки) ТР Дәүләт Советыннан гаризага тәкъдим итү хаты. Әгәр проект депутатлар тарафыннан хупланса, гариза күбрәк балл җыячак», - дип ассызыклады Пелевин.

Субсидияләр конкурсында катнашу өчен гаризалар 23 августка кадәр кабул ителәчәк.