Казанда «кара» базарда бензинның литрын 200 сумга сата башлаганнар
Татарстанда бензин тирәсендәге шау-шу басылмый. Хакимият паникага бирелмәскә һәм ягулыкны сатып алмаска чакыра - рәсми мәгълүматлар буенча, кытлык юк, ә чиратлар бензинны канистрларга күпләп сатып алу аркасында барлыкка килә.
Әмма машина йөртүчеләр зарлана: 30 литрлы лимит аркасында тулы бакка ягулык салып булмый, ә күп кенә АЗСларда ягулык бөтенләй юк. Ул арада Интернетта кара базар чәчәк атты.
«РТ» газетасы хәбәр иткәнчә, спекулянтлар бензинны литрын 130-200 сумнан саталар, алдан түләүне таләп итәләр. Эчке эшләр министрлыгында болар мошенниклар булырга мөмкин дип кисәтәләр.
Автоэкспертлар бензинны канистраларда запасламаска киңәш итә – ягулык бозыла һәм двигательгә зыян китерергә мөмкин. Шул ук вакытта ашыгыч хезмәтләр, шул исәптән ашыгыч ярдәм, штат режимында эшли – дизель белән проблемалар юк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев