Казандагы Республика чыршысына 12 меңгә якын бала киләчәк

Фото: © «Татар-информ», Михаил Захаров

Республика Яңа ел чыршысы 25 декабрьдә «Татнефть Арена»да узачак, анда 17 меңгә якын бала катнашыр дип көтелә. ТР яшьләр эшләре министры Ринат Садыйков республика Министрлар Кабинетындагы брифингта шулай дип белдерде.

«Ул (Республика чыршысы – Т-и иск.) дуслыкка һәм яхшы әйберләр турында хыяллану мөмкинлегенә багышланачак. Сюжетта - берничә герой, аларның тылсымлы билетлары бар, шулар ярдәмендә станцияләр буйлап сәяхәт итәләр һәм хыялларын чынга ашыралар», - дип ачыклык кертте профильле ведомство башлыгы.

Садыйков билгеләп үткәнчә, чыршы бәйрәмендә башка шәһәрләрдән килгән мәктәп укучыларын кайнар ризык белән тәэмин итәчәкләр, ә алты муниципаль районнан килгән балалар өчен Казан янындагы өч лагерьда урыннар әзерләнәчәк.

«Һава шартлары начарайган очракта Казан янындагы лагерьларга бара алмаган балаларны урнаштыру урыннары да каралган», - дип өстәде министр.

Һәрбер яшь тамашачы составы Россия Кулланучы хокукларын яклау һәм кеше иминлеге өлкәсендә күзәтчелек федераль хезмәте (Роспотребнадзор) тарафыннан килештерелгән татлы бүләк алачак.

Кызыклы яңалыкларны күзәтеп бару өчен Телеграм-каналга

Тулырак: https://tatar-inform.tatar/news/kazandagy-respublika-cyrsysyna-12-menga-yakyn-bala-kilacak-5880751