Кукмарада 18 яшьлек егетне поезд бәргән

Бүген, 4 август көнне, иртәнге сәгать өчләр тирәсендә, билгесез ир-егетнең поездга бәрелеп травмалар алуы турында ашыгыч ярдәм күрсәтү бүлегеннән хәбәр алынды. Табиблар килеп җиткәндә егетнең гомере өзелгән була. Әлеге егетнең Кукмарада яшәгән булуы, июнь аенда гына 18 яшен тутыруы ачыкланды. Хәзерге вакытта фаҗиганең сәбәпләрен ачыклау, тикшерү эшләре бара, дип хәбәр итте район эчке эшләр бүлеге начальнигы Рамил Нургалиев. Тимер юл линияләре буенда, рельслар аша чыкканда һәркемнең игътибарлы һәм сак булуы сорала.

Хезмәт даны